შპს „საქართველოს მელიორაციამ“ ინფრასტრუქტურის გამართული ფუნქციონირების უზრუნველსაყოფად ლაგოდეხის მუნიციპალიტეტში სამელიორაციო არხების გაწმენდითი სამუშაოები განახორციელა.

სოფელ საქობოს ტერიტორიაზე მდებარე სამელიორაციო არხის (კოლექტორის) დაახლეობით 1000-მეტრიანი მონაკვეთი დანალექი გრუნტისა და ბალახოვანი საფარისგან გაიწმინდა.

აღნიშნული ნატანი მასა არხში წყლის თავისუფალ დინებას აფერხებდა, რის შედეგადაც უხვი ნალექის პერიოდში ადგილი ჰქონდა მისი გადავსებისა და მიმდებარე სასოფლო-სამეურნეო მიწების დატბორვის საფრთხეს.

გაწმენდის სამუშაოების შედეგად გაუმჯობესდება არხის გამტარუნარიანობა, შემცირდება დატბორვის რისკი და შეიქმნება უფრო უსაფრთხო და ხელსაყრელი პირობები სასოფლო-სამეურნეო საქმიანობისა და აგროსექტორის განვითარებისთვის.