გარემოს დაცვისა და სოფლის მეურნეობის სამინისტროს შპს „საქართველოს მელიორაცია“ ლანჩხუთის მუნიციპალიტეტში სამელიორაციო არხების გაწმენდით სამუშაოებს ახორციელებს.

სოფელ გვიმბალაურში რიონის მარცხენა სანაპიროს დამშრობ მასივზე 20 ჰექტარ ფართობზე არსებული კოლექტორული და შემკრები არხები  დანალექი გრუნტისა და ნატანი მასისგან სრულად იწმინდება. არხების საერთო სიგრძე დაახლოებით 3500 მეტრს შეადგენს.

სამუშაოების ჩატარების შედეგად, სადრენაჟე ინფრასტრუქტურა გამართულად იმუშავებს, რაც უზრუნველყოფს სასოფლო-სამეურნეო სავარგულებისა და ახლომდებარე საკარმიდამო ნაკვეთების დატბორვისგან დაცვას. ჯამში დატბორვისგან დაცული იქნება 20  ჰექტარი მიწის ფართობი.

აღსანიშნავია, რომ 2012-2024 წლებში, „საქართველოს მელიორაციის“ მიერ გურიის რეგიონში განხორციელებული სამელიორაციო ინფრასტრუქტურული პროექტების შედეგად, დრენირებულია 2175 ჰექტარი სასოფლო-სამეურნეო მიწის ფართობი.