შპს „საქართველოს მელიორაციის“ თანამშრომლებს სასწავლო ტრენინგები ჩაუტარდათ

სწავლების პროცესში ქვეყნის მასშტაბით მოქმედი სერვისცენტრების პერსონალს გააცნეს ისეთი მნიშვნელოვანი ტექნიკური და ადმინისტრაციული საკითხები, როგორიცაა ბილინგის პროგრამაში მუშაობა (სასურველი მომსახურების - ირიგაციის, დრენაჟის, ტბორის არჩევა); მიწის ნაკვეთების მომზადების სხვადასხვა მეთოდი და, მიწის იდენტიფიკაციის მიზნით, ჯიპიესით კოორდინატების აღება და მათი ბილინგის სისტემაში გადატანა. სასწავლო პროგრამა მოიცავდა როგორც თეორიულ, ისე პრაქტიკულ სამუშაოებს.

ტრენინგებზე ყურადღება დაეთმო წყალაღების გრაფიკის მონიტორინგისა და შესაბამისი დოკუმენტაციის წარმოების პროცედურებს.

თანამედროვე ტექნოლოგიებისა და ბილინგის ერთიანი სისტემის ეფექტიანი გამოყენება მნიშვნელოვნად შეუწყობს ხელს საირიგაციო წყლის არაკანონიერად მოხმარების პრევენციას, წყლის რესურსების რაციონალურ განაწილებას და მომსახურების ხარისხის გაუმჯობესებას.