საქართველოს რეგიონებში სამელიორაციო ინფრასტრუქტურის მოწესრიგების სამუშაოები აქტიურად მიმდინარეობს. შპს „საქართველოს მელიორაცია“ სიღნაღის მუნიციპალიტეტში, სოფელ ხირსას ტერიტორიაზე არსებულ დამშრობ არხს დანალექი გრუნტისგან წმენდს. არხის 1500-მეტრიანი მონაკვეთი სრულად გათავისუფლდება დროთა განმავლობაში დალექილი ქვიშისა და ნაგვის ფენისგან, რაც წყლის შეგუბებას და მიმდინარე ტერიტორიების დაჭაობებას იწვევდა.

სამუშაოების დასრულების შემდეგ არხში გამტარუნარიანობა საგრძნობლად გაუმჯობესდება. შედეგად, 100 ჰექტარ სასოფლო-სამეურნეო  მიწის ფართობზე ადგილობრივი ფერმერები შეძლებენ თავიდან აიცილონ უხვი ნალექით გამოწვეული ზიანი და აწარმოონ ხარისხიანი მოსავალი.

სამელიორაციო სისტემების რეაბილიტაცია მიზნად ისახავს ადგილობრივი  წარმოებისა და სოფლის მეურნეობის განვითარების მხარდაჭერას.