„საქართველოს მელიორაციის“ წარმომადგენლებმა სოფელ ჩუმლაყის ადგილობრივ მოსახლეობასა და ფერმერებს დეტალური ინფორმაცია მიაწოდეს საირიგაციო მომსახურების ტარიფის სუბსიდირების, სარწყავი წყლის ხელმისაწვდომობისა და სამელიორაციო ინფრასტრუქტურის გამართული ფუნქციონირების მნიშვნელობის შესახებ.

შეხვედრის ფარგლებში, მონაწილეებმა განიხილეს სარწყავი სეზონის მიმდინარეობასთან დაკავშირებული საკითხები, წყალსარგებლობის განრიგის შესაბამისად საირიგაციო მომსახურების მიღების პირობები და მორწყვის ჯერადობები.  „საქართველოს მელიორაციის“ წარმომადგენლებმა განმარტეს, რომ ერთი მორწყვის ოპერაცია არ ნიშნავს ერთჯერად მორწყვას და მოიცავს 15-დღიან პერიოდს, რომლის განმავლობაში ფერმერებს შეუძლიათ სარწყავი წყლით შეუზღუდავად სარგებლობა.

ადგილობრივ მოსახლეობასთან კომუნიკაცია კომპანიისთვის განსაკუთრებულად მნიშვნელოვანია. წყლით მოსარგებლეებთან შეხვედრები ხელს უწყობს როგორც სექტორში არსებული გამოწვევების დროულად გამოვლენას, ასევე სამომავლო პრიორიტეტებისა და გეგმების განსაზღვრას.