„საქართველოს მელიორაციაში“ მიმდინარე რეფორმის ფარგლებში, კომპანიის სტრატეგიული განვითარების ფუნდამენტურ საკითხებზე სამუშაო შეხვედრა გაიმართა.

კომპანიის გუნდმა იმუშავა მისიის, ხედვისა და ღირებულებების ჩამოყალიბებაზე. განისაზღვრა პრიორიტეტები, სტრატეგიული მიზნები და ის კონკრეტული ქმედებები, რომლებიც რეფორმის ეფექტურ განხორციელებას უზრუნველყოფს.

ასევე, შემუშავდა დეტალური სამოქმედო გეგმა - გაიწერა ძირითადი ნაბიჯები, განისაზღვრა პასუხისმგებელი სტრუქტურული ერთეულები და შესრულების ვადები, რაც კომპანიის საქმიანობას შედეგზე ორიენტირებულს გახდის.

სტრატეგიული განვითარების ერთიანი ხედვის ჩამოყალიბება ეფექტიანი მართვის მნიშვნელოვანი საფუძველია. მსგავსი სამუშაო შეხვედრები კომპანიას აძლევს შესაძლებლობას, დროულად და ეფექტიანად უპასუხოს სექტორში არსებულ გამოწვევებს, თანამშრომლებს კი იმის შესაძლებლობას, რომ მკაფიოდ განსაზღვრონ პრიორიტეტები და დაგეგმონ მიზანმიმართული ნაბიჯები.

აღნიშნული სამუშაო პროცესი კომპანია Civitta-ს ექსპერტებისა და ფასილიტატორების მხარდაჭერით წარიმართა.

შპს „საქართველოს მელიორაცია“ პარტნიორებთან მჭიდრო თანამშრომლობითა და მკაფიო სტრატეგიული ხედვით აგრძელებს განვითარებას.