შპს „საქართველოს მელიორაცია“ ხობის მუნიციპალიტეტში სამელიორაციო ინფრასტრუქტურის მოწესრიგების სამუშაოებს აქტიურად ახორციელებს, რაც მიზნად ისახავს არსებული დამშრობი სისტემების ფუნქციონირების გაუმჯობესებას და სოფლის მეურნეობის მიწების ეფექტიან გამოყენებას.

ამ ეტაპზე სოფელ გურიფულში, ხობი-უტორას დამშრობ მასივზე შემკრები არხების წმენდითი სამუშაოები მიმდინარეობს. საერთო ჯამში, გათვალისწინებულია 2050-მეტრიანი მონაკვეთის წმენდა, ამ დროისთვის უკვე გაწმენდილია 900-მეტრამდე სიგრძის მონაკვეთი.

სამუშაოების დასრულების შედეგად, 25 ჰექტარ სასოფლო-სამეურნეო მიწის ფართობზე  მნიშვნელოვნად გაუმჯობესდება არხებში წყლის გამტარიანობა, შემცირდება დატბორვის რისკები, რაც მოსავლიანობის ზრდას შეუწყობს ხელს.

აღნიშნული პროექტი 26 იანვარს დაიწყო და გეგმის მიხედვით, თებერვლის ბოლოს დასრულდება.

შპს „საქართველოს მელიორაცია“ მსგავსი ტიპის სამუშაოებს ქვეყნის სხვადასხვა რეგიონში განაგრძობს, რაც სამელიორაციო სისტემების ეფექტურ ფუნქციონირებასა და აგრარული სექტორის განვითარებას უზრუნველყოფს.