ქობულეთის მუნიციპალიტეტში დეხვა-ბობოყვათის დამშრობი მასივი იწმინდება
შპს „საქართველოს მელიორაცია“ სამელიორაციო ინფრასტრუქტურის მოწესრიგების სამუშაოებს აქტიურ რეჟიმში ახორციელებს.
ქობულეთის მუნიციპალიტეტში მიმდინარეობს დეხვა-ბობოყვათის დამშრობი მასივის შემკრები არხების მოწესრიგება და გაწმენდა დაგროვილი გრუნტისა და ნარჩენებისგან. შემკრები არხების საერთო სიგრძე 3035 მეტრია, ამ ეტაპზე უკვე დასრულებულია 2500 მეტრს წმენდა.
ჩატარებული სამუშაოების შედეგად, 30 ჰექტარი სასოფლო-სამეურნეო სავარგული დაცული იქნება დატბორვისგან, რაც ხელს შეუწყობს სასოფლო-სამეურნეო საქმიანობის გაუმჯობესებას და მოსავლიანობის ზრდას.
