ქვემო ქართლის რეგიონული სამსახურის ახალი უფროსის წარდგენა
შპს „საქართველოს მელიორაციის“ გენერალურმა დირექტორმა გიგლა თამაზაშვილმა კომპანიის ქვემო ქართლის რეგიონული სამსახურისა და სერვისცენტრების თანამშრომლებს სამსახურის ახალი უფროსი, ილია ლეკიაშვილი წარუდგინა.
ილია ლეკიაშვილი გაზის ტრანსპორტირების კომპანიაში მშენებლობის ზედამხედველობის დეპარტამენტს ხელმძღვანელობდა; თბილისი ენერჯიში მშენებლობის ზედამხედველობის დეპარტამენტის, შემდგომ, ქსელების განვითარების დეპარტამენტის ხელმძღვანელის პოზიციებს იკავებდა. ილია ლეკიაშვილს სახელმწიფო და კერძო სექტორში მუშაობის მრავალწლიანი გამოცდილება აქვს.
ქვემო ქართლის რეგიონული სამსახურისა და სერვისცენტრების თანამშრომლებთან გამართულ შეხვედრაზე გიგლა თამაზაშვილმა საქართველოს მელიორაციაში მიმდინარე სტრუქტურულ რეფორმაზე და სამოქმედო გეგმაზე ისაუბრა.
