გადაუდებელი სამუშაოები
ქარელის მუნიციპალიტეტის სოფელ ზემო შაქშაქეთში ავარიულად დაზიანდა შაქშაქეთის 1400 მმ-იანი დიუკერი (წყალგამტარი), რის გამოც ტაშისკარის სარწყავ სისტემაში წყლის მიწოდება შეწყვეტილია.
სარწყავი წყალი არ მიეწოდება შემდეგ სოფლებს: აბისი, ბერძენაული, ზემო და ქვემო შაქშაქეთი, კოდავარდისუბანი, მოხისი, თამარაშენი, ფცა, ქვენატკოცა, არადეთი, ბრეთი, საღოლაშენი, წვერი, ბებნისი, რუისი, ურბნისი.
ადგილზე მობილიზებულია საქართველოს მელიორაციის შესაბამისი სამსახურების წარმომადგენლები, მიმდინარეობს მდგომარეობის შეფასება, რის შემდეგაც ჩატარდება გადაუდებელი, სარემონტო სამუშაოები, რომელიც ხვალ დღის ბოლომდე დასრულდება.
