სარწყავი და სადრენაჟე სისტემის რეაბილიტაცია იმერეთში


საქართველოს სოფლის მეურნეობის სამინისტრო და გაერთიანებული სამელიორაციო სისტემების კომპანია საირიგაციო სისტემების მოდერნიზაციის ფარგლებში, ახორციელებს აჯამეთის სარწყავი სისტემის რეაბილიტაციას. სისტემის რეაბილიტაციის შემდეგ,   იმერეთში,  3049 ჰექტარი სასოფლო-სამეურნეო მიწის ფართობი გახდება წყალუზრუნველყოფილი. აღნიშნული ფართობით 2000 კომლი ისარგებლებს.

პროექტის ფარგლებში,  რეაბილიტაცია ჩაუტარდება აჯამეთის სარწყავი სისტემის სათავე ნაგებობის კაშხლის გამრეცხი ფარების მექანიკურ ნაწილს;  წყალგამშვებ კვანძებს და სხვა ჰიდროტექნიკურ ნაგებობებს (დიუკერი, ხიდი, მილხიდი);   დაგეგმილია  გამანაწილებელი არხების რეაბილიტაცია, ახალი ქსელის და წყალგამშვები კვანძების მოწყობა; გაიწმინდება მაგისტრალური არხი (29,6 კმ), დაზიანებული  ნაწილი აღდგება და მონოლითური ბეტონითა და ანაკრები რკინაბეტონით (ფილებით) მოპირკეთდება.

მიმდინარე ღონისძიებების  შედეგად, ზესტაფონის, თერჯოლის და ბაღდათის მუნიციპალიტეტის 5 სოფლის - (სვირი, როდინაული, ცხენთარო, აჯამეთი და ვარციხე) 3049 ჰექტარი მიწის ფართობი გასარწყავდება. ასევე, ამ სისტემიდან სპეციალური მიმყვანი არხის მეშვეობით წყალი (1მ3)მიეწოდება ზესტაფონის ფეროშენადნობთა ქარხანას.

            აღნიშული სისტემის სარეაბილიტაციო სამუშაოები დღეს საქართველოს გაერთიანებული სამელიორაციო სისტემების კომპანიის დირექტორმა, ლევან დვალმა, დაათვალიერა.

სარემონტო  სამუშაოები 2014  წლის აგვოსტოში დაიწყო  და  2016 წლის მაისში დასრულდება.   პროექტის ღირებულებაა 6 199 000 ლარი.  

საქართველოს გაერთიანებული სამელიორაციო სისტემების კომპანია   იმერეთში, აჯამეთის სარწყავი სისტემის გარდა, ერთდროულად 3 სხვადასხვა სისტემაზე ახორციელებს სარეაბილიტაციო სამუშაოებს. ესენია: მაშველის,   ხონი-სამტრედიის სარწყავი სისტემები  და ციხე-სულორის დამშრობი სისტემა.

ვიდეოს სანახავად გადადით ბმულზე

 
subscribe news